ROXAS CITY- Nagapabilin sa karsel sang Roxas City Police Station ang duha ka mga persona matapos ginserbihan sang Warrant of Arrest sang mga kapulisan sa Sitio Pangpang, Barangay Bolo, Roxas City.
Pinaagi sa gintingub nga pwersa sang Roxas City Police Station, Criminal Investigation and Detection Group – Capiz, 602nd Maritime Station kag 1st Capiz Provincial Mobile Force Company nadakpan ang sanday Amelita Andrade, 53 anyos kag Colt Jeferson Berdugo, 35 anyos kag pumuluyo man sang nasambit nga lugar.
Kaso nga Syndicated and Large Scale Illegal Recruitment Under RA 8042 ang pagaatubangon sang duha ka mga arestado. Wala naman sang may ginrekomendar nga piyansa para sa kahilwayan sang duha ka mga persona.
Ang warrant of arrest ang gin-isyu kag ginpirmahan ni Hon. Alma Banias-Delfin, Presiding Judge RTC Branch 15, Roxas City napetsahan Oktubre 27, 2020.
