Duha ka mga persona nga wanted nga akusado sang Direct Assault dakup sa banwa sang Dumalag

ROXAS CITY-Arestado ang duha ka mga wanted nga persona matapos nga ginserbehan sang warrant of arrest sa Barangay San Rafael, Dumalag Capiz.

Ginkilala ang mga akusado nga sanday Joel Pangan, 27-anyos kag Jesril Pangan, 20-anyos lunsay mga residente sang nasambit nga lugar.

Ang mga akusado ang nagapangatubang sang kaso nga Direct Assault nga gin-issue kag ginpirmahan ni Hon. Presiding Judge Sebastino Baguio, Presiding Judge MTC Judicial Region, Branch 6.

P36,000 ang ginrekomendar nga piyansa sang korte para sa temporayo nga kahilwayan sang duha ka mga akusado.

Sa karon nagapabilin sa karsel sang Dumalag Municipal Police Station ang nasambit nga mga akusado.