Madinalag-on nga na-rescue ang duha ka tawo nga nabilin nga na-trap sa sulod sang isa ka hydropower tunnel sa Nepal, siyam ka adlaw matapos ang malapad nga pagbaha sa border sang Nepal kag China.
Ginkilala ang duha nga survivors nga sanday Kabir Maharjan kag Sanjay Sah.
Santo sa Nepal Army, nabatian sang mga rescuers ang tingog sang mga tawo nga naga-request sang bulig halin sa sulod sang tunnel, gani gilayon sila nga gin-rescue.
Suno sa mga otoridad, kapin 557 ka trabahante sang Trishuli 3A hydropower project ang gin-report nga missing, kag ginabanta nga 115 ka tawo ang mahimo nga na-trap sa sulod sang tunnel.
Matapos ma-rescue, ginsiling ni Sah nga may tatlo ukon apat pa ka tawo nga mahimo nga na-trap sa sulod sang tunnel kag posible nga mas madamo pa.
Samtang, nagsaka na sa 1,287 ang napatay kag 4,216 ang missing bangod sa flash flood sa border sang Nepal kag Tibet, suno sa mga opisyal.
Gindeklara naman sang gobyerno sang Nepal ang Setyembre 7 bilang National Day of Mourning.
