PANAY, CAPIZ – Dakop ang duha ka mga mangingisda nga nagapatigayon sang iligal nga pagpangisda ukon ginatawag nga TRAWL sa kalalawran nga sakop sang banwa sang Panay.
Sandig sa impormasyon nga nagikan sa Panay Municipal Police Station, ginkilala ang mga nagkaladakpan nga sanday alyas Remark, 28-anyos kag si alyas Ronald, 31-anyos lunsay mga residente sang Brgy. Punta Bungcayaw Butacal, Panay, Capiz.
Nakuha sa paghinakop sang mga nagkaladakpan ang isa ka unit sang pump boat nga nagabalor P100,000, isa ka unit sang makina nga nagabalor sang P60,000, fishing net with complete accesories nga nagabalor P150,000, 5 kilo sang nanari-sari nga mga isda nga nagabalor sang P1,000.00 kag iban pa nga fishing paraphernalias.
Samtang wala naman sang ginpakita nga permit ang mga nagkaladakpan angut sa pagpatigayon sang ila nga pagpangisda.
Sa karon yara na ang mga ini sa kustodiya sang MENRO-LGU Panay para sa nagakaigo nga disposisyon.
