Patay ang Duha ka piloto matapos nga nagbunggo ang eroplano sang Air Canada Express sa isa ka fire truck sa runway sa LaGuardia Airport sa New York.
Ang insidente natabo samtang manughugpa ang Flight AC8646 halin sa Montreal, nga ginapadalagan sang Jazz Aviation.
Sakay sang eroplano ang 72 ka mga pasahero kag apat ka mga crew, lunsay naman nga nakaluwas, apisar nga may yara sang minor injuries.
Gilayon nga ginsirado ang airport kag nagpaguwa sang ground stop ang Federal Aviation Administration (FAA) nga nagresulta sa pagkanselar ukon pag-divert sang masobra 500 ka flights pakadto sa JFK kag Newark airports.
Tuman naman nga nahalitan ang cockpit sang eroplano, samtang gina-imbestigaran sang FAA kag National Transportation Safety Board (NTSB) kun ngaa yara sa runway ang fire truck sang naghugpa.
Ang trahedya nagtuga sang daku nga pagkatublag sa linibo ka mga pasahero kag ginakabig nga isa sa pinakamalain nga mga insidente sa LaGuardia sang nagligad nga mga tinuig.
Nagapadayon pa ang imbestigasyon agud mahibaluan kon bala may yara sabg operational error, misscomunication, ukon iban pa nga mga kabangdanan ang gintunaan sang pagbungguanay.
