Duha ka Pinoy, patay matapos nagbaliskad ang tourist bus sa Germany

Patay ang duha ka Pinoy matapos nga nagbaliskad ang tourist bus pakadto sa Oktoberfest sa Munich, Germany.

Suno sa German police, ginabanta 50 ka mga turista nga Pinoy ang sakay sang bus sang natabo ang aksidente sa isa ka motorway malapit sa Munich.

Ang isa ka biktima gilayon nga napatay sa lugar, samtang ang isa naman ang napatay bangud sa ila mga pilas. Walo naman ka iban pa ang nakaagum sang grabe nga mga pilas.

Samtang, nagpalab-ot naman sang simpatiya ang Philippine Consulate General sa Frankfurt kag nagpahayag nga naga-coordinate ini sa German police kag iban pa nga otoridad angut sa mga apektado nga mga Pinoy.