CAPIZ – Nagapanawagan ang Department of Health – Capiz sa publiko nga seryosohon ang paglikaw sa rabies kasunod sang narekord nga duha ka mga probable rabies cases sa probinsya sang 2025.
Sa interview sang Bombo Rady kay Mr. Joeffry Espiritu, Development Management Officer IV kag Information Officer sang DOH–Capiz, iya ginpahayag nga ang duha ka mga kaso ang ginakabig sa gihapon nga probable bangud wala ini nakumpirma sang laboratory kag gin-classify pinaagi sa clinical assessment kag sa sintomas sang pasyente.
Ang una nga kaso sang rabies amo ang lima ka tuig nga bata nagikan sa Dumarao kag napatay sang Pebrero 2025.
Ginaalegar nga may yara sang history sang kagat sang ido ang biktima tatlo ka bulan antes ini nga napatay.
Samtang ang ika-duha nga kaso amo ang isa ka 73 anyos nga lalaki nagikan sa Dumalag kag napatay sang Hunyo 2025, sa diin may history sang kagat sang kuring, apang indi madetermina ang petsa sang ini ang natabo.
Suno kay Espiritu, ang duha ka mga kaso sang human rabies nga narekord sang 2025 ang mas manubo sa 2024 cases nga may yara sang anum.
Dugang pa sang natungdan, 100% preventable ukon malikawan gid ang rabies pinaagi sa pagpabakuna kag public awareness.
