Pilason ang Duha ka pulis samtang patay naman ang isa ka suspek matapos ang pagbayluhanay sang lupok sa Franklin County, Pennsylvania.
Base sa inisyal nga report sang Pennsylvania State Police, pasado las 6 sang gab-i sang nagresponde ang duha ka pulis sa isa ka robbery incident, sa diin nagtuyo nga magpalagyo ang mga suspetsado.
Matapos gingamit ang spike strips sa pagpauntat sang salakyan sang mga suspetsado, gilayon nga gintuman sang duha ka babaye nga suspek ang mandu sang mga otoridad. Apang hinali lang nga nagpalupok ang lalaki nga suspek sa mga pulis rason nga nagbalos ang mga ini kag ginpatay ang suspek.
Samtang, wala pa ginpagwa sang state police ang identity sang mga pulis kag sang suspek samtang nagapadayon ang imbestigasyon sa insidente.
