LOKAL — Nadakpan ang duha ka sakayan nga ginapahayag nagahimo sang iligal nga pagpangisda sa kalalawran nga sakop sang banwa sang Panay, Capiz, sadtong Oktubre 10, 2026.
Ang mga nadakpan amu sanday alyas Randy, 32 anyos, tag-iya sang sakayan kag iya tatlo ka crew sanday alyas Bern, alyas Vince, kag alyas John lunyas mga residente sang Brgy. Natividad, Pilar, Capiz
Sa interview sang Bombo Radyo kay PCPT Eric Deocampo, ang nasambit nga operasyon ginpatuman suno sa Municipal Ordinance No. 03-02, Series of 2003, ukon Fishery Code sang banwa, nga nagatuyo sa pagpatuman sang mga pagsulundan sa pagpangisda kag pagpanalipod sa kadagatan kag nag ubra sila sang operasyon para sa mga iligal nga nag pangisda sa kadagatan sang amo nga banwa.
Suno kay Deocampo, yara na sa kustodiya sang Municipal Environment and Natural Resources Office ukon MENRO-Panay ang mga nadakpan nga sakayan, upod ang ila mga gamit sa pagpangisda.
Nahibaluan nga ang pagpatuman sang amo nga ordinansa kabahin sang padayon nga panikasog sang lokal nga panguluhan sa pagpugong sang iligal nga pagpangisda, pagpreserbar sang kadagatan, kag pagprotektar sa mga isda nga importante sa pangabuhian sang mga lokal nga mangingisda.
