Nakumpiska sang kapulisan ang isa ka grupo naga nagapatigayon sang ilegal nga pagpangisda sa banwa sang Panay
Ang mga nadakpan amo sanday alyas Henry, 57 anyos, kapitan sang sakayan, alyas Robert kag alyas Keven, nga lunsay mga residente sang Barangay Olotayan, Roxas City.
Sandig sa imbestigasyon sang Panay Municipal Police Station (MPS), nagpatigayon sang joint operation upod ang MENRO LGU-Panay agud madakpan ang mga suspek nga nagapangisda gamit ang “PAMO” nga wala sang Mayor’s Permit, nga paglapas sa Municipal Ordinance No. 03-02 ukon Municipal Fishery Code sang 2003.
Narekober sang otoridad ang isa ka pump boat, duha ka diesel engine, fishing nets, kag napulo (10) ka kilo sang nagkalain-lain nga isda nga may kabug-usan nga balor nga Php252,000.00.
Ang mga nadakpan kag ang mga nakuha nga ebidensya gin-turn over sa MENRO LGU-Panay para sa nagakaigo nga disposisyon.
