Pormal nga ginturn-over sang Department of the Interior and Local Government (DILG) ang duha ka proyekto nga ginpondohan paagi sa Seal of Good Local Governance (SGLG) Incentive Fund sa banwa sang Dumarao, Capiz.
Sa interview sang Bombo Radyo kay Dumarao Capiz Mayor Atty. Matt Hachuela, iya ginpahayag nga isa sa mga ginturn-over nga proyekto amo ang Farm-to-Market Road nga magabulig nga mapahapos ang transportasyon sa banwa.
Nagpasalamat man ang alkalde sa DILG bangud sang padayon nga suporta sa mga programa kag proyekto sang lokal nga gobyerno.
Suno pa kay Hachuela, ang mga proyekto bunga sang pag-angkon sang Banwa sang Seal of Good Local Governance sang 2024, nga nagapakita sang maayo nga pagdumala sang mga Local Government unit.
Ginpasiguro naman sini nga paga-gamiton ang pundo sa mga proyekto agud makahatag sang dugang nga benepisyo sa mga pumuluyosa sa banwa sang Dumarao.
