Patay ang duha ka miyembro sang 32nd Infantry Battalion sang Philippine Army matapos ang nagluntad nga pagpang-ambush sang wala pa matumod nga mga armado nga grupo sa Barangay Upper Cabengbeng, Sumisip, Basilan.
Base sa inisyal nga imbestigasyon, natabo ang insidente alas 5:10 kahapon, Enero 22, kun sa diin sakay sang ila nga salakyan ang Headquarters Company sang 32IB agud sugaton ang representative sang United Nations Development Program (UNDP).
Samtang yara ang mga ini sa dalanon, hinali nga nag-abot ang mga armado nga suspek kag ginpaulanan sang bala ang convoy sang mga suldado.
Bangud sa inisidente, duha ang napatay sa bahin sang militar kag 12 ang nagkalapilasan. Padayon nga ginalalip sang mga otordad ang mga yara sa likod sang pagpang-ambush.
