Duha ka tuig nga bata sa Carles, Iloilo, patay matapos nagtupa sa kaldero nga may nagaindakal nga sabaw sang batchoy

CARLES, ILOILO – Ginbawian sang kabuhi samtang ginabulong sa ospital ang duha ka tuig nga bata nga lalaki matapos aksidente nga nagtupa sa kaldero nga may nagabukal nga sabaw sang batchoy sa Barangay Pantalan, Carles, Iloilo.

Base sa imbestigasyon, nagahampang ang bata sang nasalapay sini ang kaldero kag nagtupa gid diri ang lawas sini.

Napaso ang halos bilog nga lawas sang amo nga bata kag naglab-ot pa sa 4th degree burn.

Nahibaluan nga may negosyo nga batchoyan ang pamilya sang biktima agud makapiyan-piyan sa pang-adlaw-adlaw nila nga kinahanglanon.

Magluwas diri, nagabulig man ini sa gasto para sa ginahaya niya nga pakaisa.