Sa ikatlo Nga Semana sang impeachment trial, ginpresentar ni National Bureau of Investigation (NBI) Director Melvin Matibag ang duha ka mga video sang mag-utod nga Duterte nga may kaangtanan sa ginapahayag pagpamahog kay President Ferdinand Marcos Jr.
Suno kay Matibag, ang live broadcast sang rally nga gintawag “Rage Coalition” sadtong Abril 12 ang isa sa mga basehan sang pagtukod sang Special Task Force sang NBI.
Ginpahayag ni Matibag nga sa tion sang rally, nabatian si Davao City Mayor Sebastian “Baste” Duterte nga nagasiling, “Isang ulo lang ang kailangan natin, at iyan ang ulo ni Bongbong Marcos.”
Gin-anunsyo man ni Matibag nga ang nasambit nga video ang ginlakip sang NBI bilang kabahin sang ebidensya nga ila gin-usisa sa nagapadayon nga imbestigasyon.
