ROXAS CITY-Ginbuyayag sang duha ka mga anay miyembro sang grupo nga New People’s Army ukon NPA ang tatlo ka mga kolehiyo nga ginapahayag “recruitment ground” sang rebelde nga grupo sa probinsiya sang Capiz.
Suno sa pahayag ni Jeffry “Ka Eric” Celiz kag Joy James “Ka Amihan” Saguino nga ang ila nga ginatumod nga mga kolehiyo nga nagaserbe nga recruitment ground amo ang Colegio Dela Purisima Concepcion, Filamer Christian University kag Capiz State University-Dumarao Campus.
Gin-ako sang duha nga sila mismo ang sadto anay nagpadulong sa amo nga mga buluthuan agud magpang-recruit.
Sa ginpatigayon nga Panay Peace Summit 2020, ginbuyagyag man sang mga anay rebelde nga may yara sang manunudlo sang Filamer Christian University nga nagbulig sa ila nga recruitment nga sa karon isa na ka abugado.
Gin-athag man ni Ka Eric kag Ka Amihan nga wala nila gina red tag ang amo nga buluthuan apang luyag sang duha nga matawag ang atensyon sang mga nagadumala sa amo nga buluthuan agud masekyar ang kahilwayan sang mga estudyante.
Samtang gin-athag man sang mga ini, nga wala sang kahilabtanan ang buluthuan sa mga recruiment activities sang rebedle nga grupo bangud personal ini nga desisyon sang mga esrudyante.
