Duha pilason matapos ma-sideswipe sa banwa sang Pontevedra

ROXAS CITY – Pilason ang mag-iloy matapos nga ginaalegar na-sideswipe sa Barangay Malag-it, Pontevedra, Capiz.

Ginkilala ang mga biktima nga sanday Shane Baylon 45-anyos kag anom katuig sini nga bata nga lunsay mga residente sang nasambit nga lugar.

Base sa inisyal nga imbestigasyon nga samtang sakay ang mga biktima sang motorsiklo aksidente na lamang sila nga na-side swipe sang motorsiklo nga ginamaneho sang driver nga si Joemary Lozada sang Barangay Dulangan, Pilar, Capiz nga lunsay ginasubay ang pareho nga direksyon.

Bangud diri, nag-angkon sang pilas sa lawas ang mga biktima nga gilayon naman gindapatan sang nagakaigo nga pagbulong.