Ginalauman sang Philippine Atmospheric, Geophysical and Astronomical Services Administration (PAGASA) nga duha tubtob apat ka bagyo ang magaporma ukon magasulod sa Philippine Area of Responsibility (PAR) sini nga bulan sang Oktubre suno sa state weather bureau.
Suno sa weather bureau, mangin matin-aw ang panahon subong nga adlaw sa kalabanan nga bahin sang pungsod bangud sang easterlies ukon hangin halin sa Pacific Ocean.
Lauman man ang malip-ot nga pag-ulan kag pagpanaguob sa hapon ukon gab-i, ilabi na sa Eastern Visayas, Caraga, kag Bicol Region.
Naga-apekto man ang Southwesterly Wind sa baybayon sang Palawan, partikular sa Kalayaan Group of Islands.
Samtang, ginapanugyanan sa gihapon ang publiko nga mangin alerto kag magbantay sa mga weather advisories.
