Padayon ang pagpatigayon sang mga intervention sang Local Government Unit sang Dumarao, Capiz agud mabuligan ang mga conflict with the law kag Child at risk.
Sa interview sang Bombo Radyo kay Dumarao Mayor Atty. Matt hachuela, iya ginpahayag nga may yara sang mga programa nga ginapatigayon kaupod ang Municipal Social Welfare and Development Office (MSWDO)kaangay sang mga seminar kag training sa pila ka mga kabataan nga nakahimo sang indi mayo ukon nakalapas sa layi.
Suno kay Hachuela, ginapaintindi sa nasambit nga mga kabataan nga sala ang ila sini ginbuhat kag may yara sang consequence nga kabaylo nga makaapekto sa ila buwas-damlag.
Nagapangayo man ang kooperasyon ang natungdan agud nga bululigay nga bantayan kag proteheran ang mga kabataan batok sa mga iligal nga buluhaton.
