ROXAS CITY-Ginapanindugan sang alkalde sang banwa sang Dumarao nga yara sa hurisdiksiyon sang gobernador ang pagpasugot nga makasulod sa probinsiya ang 3 ka mga construction workers nga na-stranded sa border sang Barangay Aglalana, Dumarao, Capiz.
Ini ang ginpanindugan ni Dumarao Mayor Edgardo Arancillo sang mainterview sang Bombo Radyo.
Ginpahayag ni Arancillo nga wala sa lebel sini nga magdesisyon nga pasugtan nga makasulod sa probinsiya ang 3 ka mga construction workers bangud may yara sang ginpapanaog nga executive order si Capiz Governor Esteban Evan Nonoy Contreras.
Apang aminado ini nga nakalab-ot sa talatapan ang sitwasyon sang 3 ka mga construction workers rason nga gilayon nga ginpadal-an sini sang pagkaon, habol, mosquito net kag ginpakadtuan sang doktor agud masekyar ang ila kahimtangan.
Gindugang pa ni Arancillo nga nagpakig-angut na ini sa talatapan sang Provincial Disaster Risk Reduction and Management Office (PDRRMO) agud mapalab-ot ang sitwasyon sang 3 mga ka construction workers.
Samtang gin-athag ni Arancillo nga indi sini mahimo nga mabutang sa quarantine facility ang 3 ka nastranded nga mga constructions workers bangud posible nga madamo sang mga Capizeño ang maga-ilog gikan sa iban nga mga kaprobinsyahanan.
