Ginpasiguro sang Dumarao Municipal Police Station ang seguridad sang publiko subong nga holiday season.
Sa interview sang Bombo Radyo kay Police Captain Tobias Garfin, Hepe sang Dumarao Municipal Police Station, iya ginpahayag nga hugot gid ang pagbantay sang tanan nga katapo sang ila talatapan nga nakadeploy sa mga simbahan kag iban pa nga lugar nga ginadugukan sang tawo.
Suno kay Police Captain Garfin, wala sang may nabalhag nga anuman nga insidente gani padayon sa gihapon ang pagpatigayon sang checkpoint agud nga mapunggan ang may tuyo nga maghimo sang malain.
Pahayag pa niya, malaka pa ang baligyaanay sang palupok kag may yara man sang gindesignar nga lugar kun sa diin magamit sang palupok. Nagpanawagan man ang natungdan, nga mag-ugyon ang tanan, magsunod sa layi agud nga mapabilin ang kalinong kag katawhay sa palibot
