Nagpagkit sang bag-o nga world record ang Swedish pole vaulter nga si Armand Duplantis nga may winning height nga 6.27 meters sa All Star Perche event sa Clermont-Ferrand, France.
Sa silver meeting sang World Athletics Indoor Tour, ginsuguran ni Duplantis ang iya nga kompetisyon sa 5.65m.
Nalampuwasan man ni Duplantis sa una nga attempt ang 5.91m kag 6.02m.
Matapos ma-clear ni Duplantis ang 6.07m agud ma-secure ang kadalag-an, gintuyo naman sini nga lapawan ang anay world record nga 6.26m sa Diamond League meeting sa Silesia, Poland. Nalampuwasan ni Duplantis sa una nga attempt ang 6.27m.
Matapos i-clear ang 6.07m agud masiguro ang kadalag-an, ginpataas sini ang bar sa 6.27m kag nasakop ang amu nga kataason sa iya una nga attempt, nga ginpasangkad ang anay sini nga record nga napagkit sa Diamond League meeting sa Silesia, Poland sadtong Agosto sang isa ka sentimetro.
Ini man ang pangaduha nga beses nga na-break ni Duplantis ang world record sa Clermont-Ferrand sang maangkon sini ang 6.22m sa French city duha ka tuig na ang nakaligad agud iselebrar ang iya ikaanom nga world record.
