Naghingyo ang defense team ni Former President Rodrigo Duterte naghingyo sa International Criminal Court (ICC) nga ilakip ang 78 pa ka mga butang sa ila listahan sang mga ebidensya para sa confirmation of charges hearing sa Pebrero 23, 2026.
Suno sa lead counsel sini nga si Atty. Nicholas Kaufman, ang dugang nga ebidensya ang “highly relevant” kag importante para sa palaabuton nga hearing ni Duterte.
Suno sa iya, wala nagapamatok ang Prosecution sa pagdugang sang mga items, gani indi ini makatuga sang indi makatarunganon nga epekto sa kaso.
Ang mga pagsulundan sang ICC nagasiling nga ang depensa kag ang prosekusyon may kinamatarong sa pag-usisa sang mga dokumento ukon ebidensya antes ang hearing.
Ginpahay man sang defense nga wala pa nila ma-full review ang latest disclosure sang prosekusyon sang gab-i ng Pebrero 5, nga nagaunod sang 12 items nga ginmarkahan bilang “potentially exonerating or relevant to the preparation of the Defence.”
Matandaan nga gin-aresto si Duterte sang Marso 11, 2025, sa iya pagpauli gikan sa Hong Kong, may kaangtanan sa imbestigasyon sang ICC sa ginapahayag pagtuga sang mga death squad sa “war on drugs” sang iya administrasyon.
