Duha ka beses na nga nag-collapse si Former President Rodrigo Duterte samtang yara sa detention sa The Hague, Netherlands, suno sa iya abogado nga si Nicholas Kaufman.
Suno sa iya, nagaantos subong ang anay presidente sa neurological health conditions.
Pahayag ni Kaufman, gina-monitor na ang kondisyon ni Duterte pinaagi sa medical documentation nga ginpasa sa korte sa diin mahina na ini kag nagakalipat.
“He is frail and has collapsed twice while in detention. His condition must be handled with respect and caution,” suno pa sa legal counsel.
Ginpahayag man ni Kaufman nga ang medical records sang anay presidente ang nagapakita nga nagalala na ang pagpalanghina sang lawas sini kag may neurological challenges nga mahimo bangud sa iya edad.
Ang short-term memory loss ni Duterte ang nagapabudlay pa sa iya nga makasunod sa legal developments.
Liwat nga nagpasa sang dugang nga medical evidence ang defense team sini bilang suporta sa hingyo para sa interim release ni Duterte.
