Nagpaiway si anay Presidente Rodrigo Duterte nga magkomento sa pagsumite ni anay Senador Antonio Trillanes IV sang transcript sang iya Senate testimony sa war on drugs sa International Criminal Court (ICC).
Ginbuyagyag sang kritiko ni Duterte nga si Trillanes sa iya X account nga napadala na suno sa ICC ang transcript sang pagdinig sa Senado sang Lunes, Oktubre 28 kun sa diin nag-ako si Duterte sa extrajudicial killings (EJK) sa war on drugs.
Suno kay Trillanes, nauna na nga ginpadala sa ICC ang transcripts sang imbestigasyon sang House Quad Committee kag ini tanan, ginbaton.
Suno kay Duterte, wala sang ginhimo si Trillanes kun indi magwakal rason nga wala sini ginsabat ang pagsumite suno sang anay senador sang transcripts sa ICC.
Maluwas diri, wala pa nagtambong si Duterte sa imbestigasyon sang QuadComm. Ginsiling sini nga luyag sini nga magtambong, apang sa iban na nga kahigayunan nalang.
Nagasiling naman na suno ini sa iya testimonya sa Senado ang mga pamangkot natuhoy sa war on drugs.
Una na nga nag-atubang si Duterte sang Oktubre 28 sa imbestigasyon sang Blue Ribbon Subcommittee tuhoy sa war on drugs.
Ginakwestiyon ni Duterte nga bakit tubtob sa karon ang wala pa naga file sang kaso ang Department of Justice (DOJ) batuk sa iya nga ginapahayag nga madugay na suno ini sya nga nagapangpatay.
