Mahimu nga magpangita sang nagkalain –lain nga legal nga tikang si anay Presidente Rodrigo Duterte kasunod sang iya pagka-detene sa Netherlands, suno sa Department of Justice (DOJ).
Sa isa ka interview, ginpamangkot si DOJ spokesperson Mico Clavano kun may posibilidad man nga mabalik si Duterte sa Pilipinas, bangud sa karon siya ang yara sa hurisdiksiyon sang International Criminal Court (ICC) kaangut sa mga kaso nga crimes against humanity resulta sang madugo nga war on drugs sa idalum sang iya nga administrasyon.
Matandaan nga sadtong Martes, gin-aresto si Duterte matapos magpaguha ang ICC sang isa ka warrant bantuk sa iya.
Ang warrant ang ginpasa pinaagi sa International Criminal Police Organization (INTERPOL) bangud nag-withdraw na ang Pilipinas halin sa Rome Statute.
Suno sa mga datos halin sa mga human rights groups, magalab-ot sa 30,000 katawo ang napatay sa war on drugs sang administrasyon ni Duterte.
