Duwa ka manunudlo nga nagikan sa Capiz, nakabaton sang pagkilala sa ginhiwat nga labing una nga International Conference On Research Culture Management In Basic Education

ROXAS CITY – Nakabaton sang pagkilala ang duwa ka manunudlo nga nagikan sa Capiz sa ginhiwat nga labing una nga International Conference On Research Culture Management in Basic Education sang National Association of Public Secondary Schools of the Philippines.

Ang amu nga mga manunudlo amu sanday Ronald Durana Artillero sang David Moises Memorial High School – Mambusao East District, ginkilala nga 1st Best Paper Presenter kag Zandie Barroe Ponce sang Ilawod Elementary School – Mambusao East District, ginkilala nga 1st Best Poster (Intervention to Education Category).

Ang amu nga conference ang ginhiwat sa Boracay Paradise Garden Resort and Convention Center, Boracay Island, Malay, Aklan sang tinalikdan nga Enero 26 tubtob 28 sini nga tuig.