ROXAS CITY – Arestado ang duwa ka persona matapos nadakpan nga iligal nga maga-transport sang sang kahoy nga lumber sa banwa sang Mambusao.
Ginkilala ang mga arestado nga sanday certain Mikee Oloroso, 19-anyos driver sang tricycle kag certain Joey Sevella, 37-anyos lunsay residente sang Brgy. Tumalalod sang nasambit nga banwa.
Nadakpan ang mga ini matapos nga nagapatigayon sang checkpoint ang katapo sang Mambusao PNP sa Brgy. Manibad, kun sa diin nakit-an ang tricycle nga may karga nga mga kahoy.
Narekober diri ang 13 tanan ka mga kahoy nga mahogany (lumber) kag ginabanta nagabalor sang P2,419 kag lima ka bilog nga madre de cacao (lumber) nga ginabanta nagabalor naman sang P2,100.
Magapangatubang sa paglapas sang Republic act no. 9175 ukon an act regulating the ownership, possession, sale, importation and use of chain saws, penalizing violations thereof and for other purposes ang duwa ka mga nasambit nga persona.
Naturn-over naman ang mga ini sa MENRO Mambusao para sa nagakaigo nga disposisyon.
