ROXAS CITY – Indi na interestado magpasaka ang duwa ka biktima nga ginpangsumbag kag pangtampa sang duwa ka pulis sa Dumarao PNP, apang bangud yara sa nasakpan sang organisasyon sang PNP posible sila mapasakaan sang kaso nga administratibo.
Ini ang ginpahayag ni PMaj. Ruby Magallanes, tagpamaba sang Capiz Police Provincial Office (CPPO) sang mainterview sang Bombo Radyo.
Suno diri, may ginpatigayon nga imbestigasyon ang Provincial Investigation and Detection Management Unit (PIDMU) sa idalom sang probisyon ni Provincial Director Pcol. Winston De Belen kun sa diin ba-se man sa imbestigasyon, nakitaan sang liability ang duwa ka suspetsado nga sanday PSSgt. Arnel Bucsit kag PSSgt. Antolin Sumatra.
Bangud diri, ginrekomendar sang director ang duwa ka naulamid nga police sa free charge investigation nga igapatigayon naman sang Regional Office Investigation and Detection Management Division kun sa diin pagaimbestigahan kun magapangatubang ini sila sa kaso nga administratibo sa idalom man sang NAPOLCOM Memorandum Circular 2016-002 ukon breach of internal discipline of PNP
Antes pa ini, ginpaturn -over ang gin-isyu nga armas- luthang kag ginpasumiter sang direkta nga eksplenasyon pinaagi sa affidavit sang hepe sang Dumarao PNP ang duwa ka pulis kag diri man nakita nga may ginhimo sila nga malain kun sa diin ginhimuan sang investigation report sang hepe kag ginsumiter sa CPPO rason naman nga ginsumiter ang nasambit nga mga dokumento sa Regional Police Office.
Kun mapamatud-an sa imbestigasyon sang Regional Investigation and Detective Management Division nga guilty sanday Bucsit kag Sumatra sa kaso nga administratibo, magapangatubang ini sa diin man sa penalidad nga resignation ukon dismissal, Offenses under Presidential Decree No. 807, penalty of Transfer, or demotion, or fine maybe imposed instead of Suspension from 1 month 1 day to 1 year, penalty of fine may be imposed instead of suspension from 1 day to 1 month kag Offenses under Republic Act No. 6713.
Sa karon, yara sa restricted custody ang duwa kag ginahulat pa ang resulta sang free charge investigation batuk sa mga suspetsado.
