Dumili-an na nga magbiyahe sa mga nagapanguna nga karsada ang e-bikes at e-trikes umpisa sa Disyembre 1, suno sa Land Transportation Office (LTO).
Ginpahayag ni Sen. JV Ejercito, nga nagpromisa si LTO chief Asec. Markus Lacanilao nga maga-umpisa na ang pagpangdakop sa mga e-trike nga yara sa public roads.
Ginsuportahan naman ni Sen. Raffy Tulfo ang tikang bangud suno sa iya, nabudlayan ang mga tradisyonal nga tricycle driver nga mag-agi sa kumpleto nga proseso sang franchise, registration, kag insurance, samtang ang madamo nga e-bike operators, wala. Nagpaandam man si Tulfo nga ang mga e-vehicle nga ma-involved sa aksidente ukon maglapas sa layi-trapiko, gilayon nga i-impound.
Gin-athag sang mga senador nga wala sila nagakontra ukon nagapamatok sa e-bikes, apang kinahangalan lang man ini nga gamiton sa mas luwas nga lugar kaangay sang sa mga subdivision.
Ginsigurado naman ni Ejercito nga ipalab-ot sang Land Transportation Office kag Department of Transportation sa Department of Interior and Local Government kag mga Local Government Units ang patakaran agud malikawan ang indi paghangpanay samtang ginatun-an pa ang long-term regulations para sa mga e-vehicle.
