Madali natapos ang hampang sang Filipina tennis ace nga si Alex Eala sa Qatar Open matapos siya mapierde kay Czech Tereza Valentová sa straight sets, 7-6(8), 6-1, sa ila first-round nga duwa sa Khalifa International Tennis kag Squash Complex sa Doha.
Sa una nga set, kun sa diin nagbayluhanay sang service games ang duha ka players antes ini nag-abot sa tie break kag gilayon naman nakuha ni Valentová, 8-6, kag nakuha ang importante nga bentahe.
Ginadala sang Czech player ang momentum sa ikaduha nga set kag kontrolado ang duwa pinaagi sa sunod-sunod nga break sa serve ni Eala hasta nga natapos ang hampang sa masobra isa ka oras.
Nagpadayon ang sunod-sunod nga puntos ni Valentová, nga sa kung diin naka apat ka aces kag nagdaog sa 75 porsyento sang iya first-serve points.
Samtang si Eala may 66 porsyento nga first-serve rate, apang 56 porsyento lang sini ang iya nadaog kag wala siya nakakuha sang ace.
Apang sa padayon nga pagpanguna ni Czech player ang kabug-osan nga puntos nga nagpadaogsa score nga, 70-54, kag nagtapos ang duwa sa 13 ka hampang kontra pito sakay Eala.
