Importante ang early detection sa paglikaw sa posible nga malala nga epekto sang Human Immunodeficiency Virus (HIV) kag Acquired immunodeficiency syndrome (AIDS).
Sa interview sang Bombo Radyo kay Dr. Ma. Aimy Bialen, Medical Officer III sang Roxas Memorial Provincial Hospital, iya ginpahayag nga angHuman Immunodeficiency Virus (HIV) amo ang virus nga nagapahina sang immune system sang tawo, samtang ang kag Acquired immunodeficiency syndrome (AIDS) amo naman ang pinaka-advanced stage kun indi gilayon nga mahatagan sang pagbulong.
Suno kay Bialen, nagalapta ang nasambit nga mga balatian paagi sa unprotected sexual contact, injection, kag mother-to-child transmission
Pahayag pa niya, importante ang regular HIV testing kag early treatment agud mapunggan ang paglala sang sakit kag mapalawig ang kabuhi sang mga ginakabig nga persons living with HIV.
Dugang pa sang natungdan, magpabilin nga informed, magpa-test kon kinahanglan, kag maghatag sang suporta imbes nga stigma, agud mapadayon ang pagnubo sang kaso sang HIV kag AIDS sa pungsod.
