Naghinay ang pag-uswag sang ekonomiya sang Pilipinas sa 2.1% sa ikatlo nga quarter sang 2026, ang pinakamanubo halin sang COVID-19 pandemic, bangud sang paghinay sang konstruksyon, agrikultura kag paggasto sang publiko.
Suno sa Philippine Statistics Authority ukon PSA, mas manubo ini kon ipaanggid sa 2.4% sang ikaduha nga quarter.
Lakip sa mga rason amo ang 15.1% nga pagnubo sa konstruksyon sang gobyerno, 4.8% nga pagnubo sa sektor sang agrikultura, kag mahinay nga pag-uswag sa household spending, nga naglab-ot lamang sa 2.4%.
Suno kay Department of Economy, Planning and Development Secretary Arsenio Balisacan, ang mataas nga presyo sang pagkaon kag enerhiya, mahuyang nga produksyon sa agrikultura kag manubo nga investment ang nakaapekto sa ekonomiya.
Bangud sini, kinahanglan nga magtubo sang 6.3% ang ekonomiya sa ika-apat nga quarter agud malab-ot ang minimum nga target sang gobyerno nga 3.5% subong nga tuig.
