Posible nga panubuon sang economic managers sang administrasyon ni Marcos ang ekonomiya sang pungsod subong nga 2026 bangud sang manubo nga paggasto sang gobyerno, atraso sa mga proyekto sa imprastraktura, kag padayon nga pag-ipit sa inflation.
Suno kay Economic Planning Secretary Arsenio Balisacan, ginalauman nga magalab-ot lang sa 3.5% tubtub 4.5% ang GDP growth target sang pungsod subong nga tuig, kasunod sang mas maluya nga 2.8% nga growth sa first quarter.
Isa sa mga nagapanguna nga rason sang paghinay amo ang kulang nga paggasto sang gobyerno, ilabi na sa mga proyekto sa imprastraktura, nga ginpalala sang mga atraso pagkatapos sang mga isyu sa mga flood control projects.
Nagalaum naman ang gobyerno nga magabangon ang ekonomiya sa ikaduha nga katunga sang tuig, samtang padayon nga gina-atubang ang inflation kag ang epekto sang pangkalibutanon nga krisis.
