Gintawag sang Employers Confederation of the Philippines (ECOP) nga counterproductive kag mahimu nga makaapekto sa ekonomiya ang dugang nga P200 across-the board sa adlaw-adlaw nga sweldo sang mga mamumugon sang pribado nga sektor.
Suno kay ECOP President Sergio Ortiz-Luiz Jr, nga mas mayad nga mapamatian ang kamatuuran apang pila lamang ang mabenipisyuhan sini.
Madamu sang mga trabahante suno sa karon ang yara sa informal sector.
Masubra sa tunga ka mga negosyante sa pungsod ang yara sa micro and small enterprises rason nga mabudlay para sa ila ang pag-implementar sang dugang nga P200 sa adlaw-adlaw nga sweldo sang mga mamumugon.
Magaresulta lamang ini sa pagtaas sa presyo sang mga produkto sang mga negosyante.
Pahayag pa sini nga mas maayo kun ipasa ang desisyon sa mga regional wage board kun sa diin ginakabug-usan ini sang gobyerno, employers kag mga workers.
Matandaan nga gin-aprubahan na sang House Committee on Labor and Employment ang hagna nga P200 across-the-board increase sa adlwan nga sweldo sang mga mamumugon sa pribado nga sektor.
