Ed Sheeran una nga Western singer nga magaperform sa Bhutan

Magahiwat sang concert ang English singer nga si Ed Sheeran sa Kingdom of Bhutan.

Ginakabig nga siya lamang ang una nga Western singer nga magahiwat sang concert sa Bhutan.

Patigayunon ini sa Enero 24, 2025 sa Changlimithang Stadium sa Thimphu ang capital sang Bhutan.

Sa social media account sini nagtamyaw siya sang “Kuzuzampola!” ukon “hello” sa tinaga nga English.

Sadtong dekada 70 sang ginsugdan sang Buddhist monarchy nga Bhutan ang pagbukas nila sa bug-os nga kalibutan.