Gintambakan sang Egypt ang Gilas Pilipinas sa score nga 86-55 sa ila ulihi nga hampang sa 2nd Dubai International Cup.
Gingamit sang Egyptian players ang ila nga kadakuon kag kadasigon gani wala nakaabanse bisan isa ka quarter ang Gilas.
Ginpangunahan ni 7-foot-2 nga si Omar Tarek ang Egypt samtang si Ehab Amin Saleh amu ang nagpasulod sang asud-asod nga three-points.
Nauyang naman ang nahimo nga 18 points ni Justine Brownlee kun sa diin siya lamang ang nag-angkon sang double figures sa scoring.
Matandaan nga ang host country lamang nga Qatar ang ginlutos sang Gilas sa score nga 74-71 sa una nga hampang sang Sabado sang kaagahon bangud apang napaslawan ang national team sang pungsod sa Lebanon kahapon sang kaagahon, adlaw sang Dominggo.
Una man nga ginpahayag ni Gilas coach Tim Cone nga ang nasambit nga friendly games ang preparasyon nila sa last window sang FIBA Asia Cup Qualifiers nga pagahiwaton sa masunod nga semana kun sa diin makaatubang nila ang Taiwan kag New Zealand.
