Gin-anunsyo sang Egypt nga nagakinahanglan sila sang mga Filipino nurse agud hanason ang ila mga nurse matapos ang pagsinapol sang mga opisyal sang duha ka pungsod.
Ginpahayag ni Osama Al-Azhari, Minister of the Religious Endowment of Arab Republic sang Egypt, luyag sang Egyptian government nga matun-an ang skills sang mga Pinoy nurse nga in demand sa iban pa nga pungsod, kasubong sang Amerika, Canada, kag sa Middle East.
Kadungan sini, ginpirmahan man ang training agreement sang Egypt kag National Commission on Muslim Filipinos. Sa idalom sang kasugtanan, magadala man sang mga Filipino imam kag jurists sa Egypt agud hanason kag itudlo ang nahanungod sa Sharia ukon Islamic Law.
Samtang, ginpabakod man sang gobyerno sang Pilipinas ang pag-coordinate sini sa Lithuania kaangut sa pagkuha sang mga Pinoy workers.
Suno sa Department of Migrant Workers, mas mataas na ang demand sang Lithuania para sa mga Filipino worker para sa nagkalain-lain nga sector kasubong sang transportasyon, maritime, construction, kag food services.
