-- ADVERTISEMENT --
ROXAS CITY – Nakitaan sang probable cause sang Iloilo Prosecutor’s Office ang pagpasaka sang Rape by Carnal Knowledge (Wala sang piyansa) kag Rape by Sexual Assault nga may piyansa nga P120,000 batuk kay Esteban Ronilo Contreras a.k.a EJ Contreras.
Ini ang sandig sa ginpaguwa nga desisyon sang Prosecutor’s Office sa Iloilo, napetsahan Marso 2, 2022.
Nagakahulugan nga ginrekomendar sang Piskalya nga pasakaan sang nasambitan nga mga kaso ang nagapapili nga Sangguniang Bayan member sa banwa sang Pontevedra.
Matandaan nga ginreklamo sang isa ka lady rider/looper si EJ Contreras bangud sa ginaalegar pagpanghimulos sang tinalikdan nga Nobyembre, 2021.
