Ginapreparar na ang world-class piole vaulth tournament nga pagahiwaton sa Ayala Triangle, Makati City halin Septyembre 20 tubtob 21, 2025.
Lakip diri ang pambato sang pungsod nga si si Ernest John “EJ” Obiena, kaupod sini ang pila ka mga world-class nga pole vaulter gikan sa bug-os nga kalibutan.
Emosyonal nga gin-anunsyo ni Obiena ang katumanan sang iya handum nga dal-on ang prestihiyoso nga kompetisyon sa sentro sang syudad.
Sang primero, ginhuna-huna nga ang countdown ni EJ sa iya mga account para sa pagretiro, apang gin-athag sini nga para ini sa daku nga kompetisyon nga iya ginahandaan.
Isa ini ka opisyal nga kompetisyon, nga ginakilala sang World Athletics, Asian Athletics, kag PATAFA.
Apisar nga wala pa mabuyagyag ang listahan sang mga partisipante, ginpasalig ni Obiena nga ang mga top-ranked international athletes ang gina-imbitar sa nasambit nga kahiwatan, kasunod sang World Championships.
Si Obiena mismo ang makigkompetensya para sa Pilipinas.
Tinutuyo sini nga mahatagan inspirasyon ang mga pamatan-on nga Pilipino nga atleta nga labi pa nga mapasangkad ang ila interes sa pole vaulting sa pungsod.
