Nakuha sang Filipino pole vaulter nga si EJ Obiena ang Gold medal sa men’s pole vault event sa 26th Asian Athletics Championships sa Gumi Civic Stadium, South Korea.
Sa nasambit nga hampang, nagpanguna si Huang Bokai sang China para sa jump-off apang wala nadulaan sang paglaum si Obiena matapos malabawan ang kasumpong sa 5.77 meter jump para sa first attempt.
Sanday Obiena kag Huang pareho nga naka-clear sang 5.72 metros sa una nga pagtinguha kag nakalaktaw sang 5.77, apang pareho nga napaslawan sa ikatlo nga pagtinguha sa diin nagsobra sila sa 5.82 metros.
Ang bar gin-reset sa 5.77 sa diin madinalag-on nga naglumpat si Obiena sa una nga pagtinguha, samtang si Huang wala makalab-ot.
Mahibaluan nga ini na ang ikatlo nga asud-asod nga bulawan nga medalya ni Obiena sa Asian Athletics Championships.
Samtang ang isa naman ka Pinoy nga si Hokett delos Santos ang nagtapos sa ika-13 nga pwesto, matapos nga maka-clear sang 4.97 metros.
Nagpanguna lang siya sang gamay kay Muhammad Naufal Shahrul Afzam sang Malaysia bangud sa countback.
