Gin-anunsiyo ni Filipino pole vaulter EJ Obiena nga indi ini makahampang sa 2025 World Athletics Indoor Championships.
Pagsiguro naman sini sa iya nga mga supporters kag fans nga wala ini sang ginabatyag nga injury kag nakatutok ang iya nga atensiyon sa mga outdoor season.
Nakatalana ini nga mangin representative sang pungsod sa mga high-profile competitions.
Dugang pa sini nga nag-ayo na ang iya nga back injury kag nangin maayo na ang iya ginapatigayon nga training.
Aminado ini nga nadismaya siya sa indi madinalag-on nga mga torneo nga iya nga ginpasakupan sadtong Pebrero kun sa diin ginpahayag sini nga apisar madamo sang oras para mag-qualify sa mga World Indoor Championships, wala na ini sang kumpetisyon nga napasakupan.
Pila sa mga outdoor competitions nga iya nga ginapreparahan subong amu ang World Championships, Asian Championships kag Southeast Asian Games.
Ang 29-anyos nga ranked number 4 ang nakatalana nga magpasakop sa Mondo Classics sa Uppsala, Sweden sa palabuton na nga Marso 13.
