Padayon nga nagapakita sang ikasarang ang Filipino pole vault star nga si EJ Obiena matapos makuha ang iya ikapito nga gold medal subong nga season sa International Stabhochsprung Meeting sa Jockgrim, Germany.
Si Obiena nakarekord sang 5.83 meters nga kataason agud makuha ang kampeonato, pila lang ka adlaw pagkatapos nga nagdaug man siya sa Halberstadter Hohenflug.
Ginlutos ni Obiena ang Qatar’s Siefeldin Abdelsalam pinaagi sa countback matapos sila nga duha naglumpat sang 5.83 metros.
Pagkatapos nga makuha ang kadalag-an, gintinguhaan ni Obiena nga mag-clear sang 5.93 meters agud marekord ang iya season-best, apang wala niya ini ma-clear.
Gin-ako naman sang Filipino Olympian nga indi nangin mahapos ang kompetisyon bangud may pila ka mga problema sa warm-up apang suno sa iya, nalipay sa gihapon siya sa resulta sang iya hampang.
