ROXAS CITY-Ginpangunahan sang Philippine Statistics Authority (PSA) ang Provincial Product Accounts (PPA) Dissemination Forum subong nga adlaw, Oktubre 13, 2026, nga ginhiwat sa Heritage Hall, Circulo Convention Center, Pueblo de Panay, Roxas City.
Sa amo nga dissemination forum, opisyal nga ginpresentar kag gin-disseminate ang nangin 2025 Economic Performance sang probinsya sang Capiz. Naghatag man sang ila opisyal nga mensahe kag pahayag ang mga opisyales lakip na si Undersecretary Claire Dennis S. Mapa sang PSA, Regional Director Nelida C. Amolar sang Regional Statistical Services Office VI, kag si Provincial Planning and Development Coordinator Wilar C. De Los Santos sang probinsya sang Capiz.
Nangin kabahin man sang nasambit nga forum ang pag-discuss sa mga policy implications sang 2025 PPA nga ginpresentar ni Atty. Raimer Gel G. Caspillo sang Department of Economy, Planning, and Development-Region VI, kalakip na ang pagpatigayon sang Open Forum kag paghatag sang pagkilala sa mga Best LGUs sa probinsya amu ang mga banwa sang Pontevedra, Sigma, Maayon, Cuartero, kag Pilar. Ang nasambit nga aktibidad naging daku nga pamaagi agud mas maintindihan sang publiko ang kabug-usan nga dalagan sang ekonomiya kag pag-uswag sa Capiz.
