Ginalauman nga magahinay ang ekonomiya sang Pilipinas subong nga 2026 suno sa Organization for Economic Cooperation and Development (OECD), bangud sa nagataas nga inflation, mataas nga presyo sang enerhiya, kag nagapadayon nga epekto sang pangkalibutanon nga krisis.
Sa report sang Organization for Economic Cooperation and Development (OECD), ang pag-uswag sang gross domestic product (GDP) sang pungsod ginabanta nga maganubo sa 3.2% sa 2026, antes magbalik sa 5% sa 2027. Mas manubo ini kon ipaanggid sa nauna nga projection nga 5.1% para sa 2026.
Suno sa report, maapektuhan ang konsumo sang mga konsumidor bangud sa mataas nga presyo sang mga balaklon kag nagahuyang nga purchasing power, samtang ginalauman man nga magapabilin nga mataas ang inflation nga posible maglab-ot sa 6.8%.
Nagpaandam man ang OECD nga posible magtaas ang utang sang pungsod kag magapabilin nga mataas ang interest rates, samtang posible nga indi malab-ot ang growth target sang gobyerno bangud sa mahinay nga investment kag spending.
