Ginklaro sang isa ka eksperto ang pagtunga sang propedad sang nagtaliwan pamaagi sa Law of Succession.
Sa interview sang Bombo Radyo kay Atty. Diana Blaire Dela Cruz sang Integrated Bar of the Philippines-Capiz Chapter, iya ginpahayag nga ang Law on Succession ang isa ka layi nga nagatuyo magtudlo kun paano ginatunga ang propedad, katungdanan, kag obligasyon sang isa ka tawo nga nagtaliwan na, pakadto sa iya mga manunubli ukon heirs.
Suno kay Atty. Dela Cruz, ang law of succession ang natunga sa duha ka bahin: ang testate succession, kun may ginbilin nga will ang napatay, kag intestate succession, kun wala ini sang ginbilin nga ano man nga dokumento ukon last will testament.
Pahayag pa niya, sa tion nga ang isa ka tawo ang nadula ukon nangin missing, indi gilayon matunga ang iya propedad bangud sandig sa layi, kinahanglan anay nga ideklara ini nga ‘presumed dead’ paagi sa korte, ilabi na kun madugay na nga wala sang balita, antes pa makapanubli ang iya pamilya.
Nagpahanumdom man ang natungdaan nga mangin maalam sa layi sang succession,kag may klaro nga last will agud malikawan ang pag-ilinaway sa pamilya.
INTERVIEWED BY: BOMBO ROADNIE DALANON VIA DURA LEX SED LEX
