Ginpahayag sang World Meteorological Organization nga may mataas nga posibilidad nga mabatyagan ang El Niño sa tunga sang Mayo tubtob Hulyo sini nga tuig.
Ang El Niño isa ka natural nga hitabo sa klima nga nagadala sang pag-init sang temperatura sang dagat sa Pacific Ocean, nga nagresulta sa pagbag-o sang normal nga weather pattern pareho sang malawig nga dry season ukon kakulangan sa ulan.
Bisan pa ginapanumduman sang WMO nga ang mga forecast sa early part sang tuig indi gid amu ka sigurado, mas nagataas ang kumpyansa sang prediksyon pagkatapos sang Abril.
Samtang, ginpaandaman sang PAGASA kag sang National Oceanic and Atmospheric Administration nga posible ini maglala kag mangin “Super El Niño” sa ulihi nga bahin sang 2026.
Sa Pilipinas, ginpahanumdoman ang publiko nga magtipid sang tubig kag maghalong sa tuman nga init.
Base sa datos sang PAGASA, may 15 ka probinsya sa Luzon ang nakaeksperyensya na sang dry season, kag ginapaabot nga madugangan pa ini sa masunod nga mga bulan, lakip ang Pampanga kag Zambales.
Ginapaabot man ang dry spell ukon dako nga pagnubo sang ulan sa mga lugar pareho sang Bataan, Cagayan kag Metro Manila samtang padayon nga ginabantayan sang mga eksperto ang sitwasyon.
