Posible electrical wiring ang rason sang nagluntad nga sa sunog sa Barangay Ilawod, Pontevedra, Capiz.
Sa interview sang Bombo Radyo Fire Officer 1 Marve Dumolong, Fire Arson Investigator sang Bureau of Fire Protection Pontevedra, iya ginahayag nga duha ka balay ang nasunog sa nasambit nga barangay.
Suno kay Dumolong, natigayon man nga matapna ang sunog apang totally burned ang amo nga mga puluy-an nga lunsay himo sa light materials.
Pahayag pa niya, yara sa kapin P25,000 ang estimated damage sang duha ka puluy-an nga nasunog.
Nagapanawagan man ang natungdan sa publiko nga mangin aligmat kag masami nga i-tsekyar ang panimalay antes maglakat agud indi na maliwat ang kaangay nga insidente ilabi na nga sa subong nga bulan ginaselebrar ang Fire Prevention Month.
