ROXAS CITY, CAPIZ- Ginpa-bombo sang mag-utod nga sanday Erwin Pinaso kag Erlyn Pinaso sang Barangay Agdahon, Cuartero, Capiz, ang madugang nga pag-release sang Electronic Certificate Authorizing Registration (eCAR) sa Bureau of Internal Revenue (BIR) Roxas City.
Sa interview sang Bombo Radyo, ila ginpahayag nga madugay na nila ginpangpasa ang requirements agud nga makuha ang amo nga certificate, apang tubtob sa subong, Oktubre na kag wala pa ang amo nga papel.
Suno sa mag-utod, ginhulag nila sa pagpasa ang mga kinahanglan nga requirements sang Hulyo 21 pa, sa diin para sa ila, tuman ka dugay na sang pagka-delay agud makuha ang amo nga certificate.
Pahayag pa nila, kaangay nga ginatug-an-tug-anan lang sila sang mga empleyado sang amo nga talatapan kag kaangay nga wala sila gina-istorya sang maayo.
Nahibaluan nga ang nasambit nga Electronic Certificate Authorizing Registration (eCAR) ang ginakinahanglan gid sang mag-utod agud makuha ang ila nga cash grant sa 4Ps.
Dugang pa sang mga ini, kuntani, mangin insakto man sa pag-istorya ang mga nagaatubang sa ila. Kun ano nga petsa ang ginatug-an, kuntani ila nga tumanobn bangud nga malayo pa suno sa ila ang ila nga ginahalinan.
Panawagan sini sa mga natungdan, kuntani i-release na ang ila nga certificate.
Interviewed by Bombo Francis Biñas
