Ginkumpirmar sang State Statistics Bureau nga nagtaas ang trade deficit sang Pilipinas sa bulan sang Mayo.
Suno sa Philippine Statistics Authority (PSA), ang total external trade sa goods sang Mayo subong nga tuig ang nagdangat sa ginabulubanta nga $17.26 billion ukon masobra sa P1.006 trillion.
Mas manubo ini sang 1.2 percent halin sa $17.46 billion ukon P1.018 trillion sang Mayo sang tinalikdan nga tuig.
Ang trade gap sini ang naghabok man sa 4.5 percent matapos nga nagsaka sa $6.33 billion ukon P369 billion ang export, samtang ang imports naman ang yara sa $10.93 billion ukon P637 billion.
Sa total external trade sang Mayo, yara ini sa 63.3 percent para sa mga imported goods, samtang ang nabilin naman nga porsyento amo ang para sa exported goods.
Nagapabilin naman nga top export ang electronics sa Pilipinas nga may $3.56 billion ukon P207 billion nga kabaylo sang 56.2 percent sa total nga exports sang pungsod sa amo man nga period.
