Gin-athag sang Development Officer III sang DSWD Region-6 ang mga target ukon eligible beneficiary sang Cash for Work program sang ahensiya kag kun sin-o ang indi kwalipikado sa nasambit nga programa.
Suno kay Mylene Binondo may mga kwalipikasyon sa pag-identify sa mga benepisyaryo sang Cash for Work program sang DSWD kasubong sa pigado ini, indigenous people (IPs), mangingisda, mangunguma, mga indibidwal nga naapektuhan ang ila palangabuy-anan bangud sa pandemya kag vulnerable members sang pamilya.
Ginapaidalum man ang ma-identify nga benepisyaryo sa ebalwasyon sang Municipal Social Welfare and Development Officer ukon social workers.
Ginklaro pa ni Binondo nga indi mahimo nga mangin kabahin sang programa ang mga empleyado sang gobyerno contractual ukon job order, barangay tanod, BHWs, opisyal sa barangay
Ginpanindugan pa sang opisyal nga P297.00 kada adlaw ang mabaton sang mangin benepisyaryo sang programa sa sulod sang napulo ka adlaw kag wala sang deber ang mga barangay officials nga buhinan ang nasambit nga kantidad bangud ang DSWD ang nagahatag sang pay-out sa mga nagatrabaho sa Cash for Work program.
May 14 na ka mga LGUs sa probinsiya sang Capiz ang dululungan nga nagapatuman sang nasambit nga programa.
Nahibaluan pa nga ginatsekyar sang personnel sang DSWD kun may mehura ang gintrabahuan sang mga indibidwal matapos ang napulo ka adlaw.
